Como estará Pepito?

  A que ningún de vós se lembrou do noso Pepito? Como estará o noso querido verme? Terá fame?, con este lío o pobre quedou no cole agardando por nós.

Imos facer unha cousiña, que vos parece se intentamos lembrar a cantos números xa se comeu?, cales son as familias que xa están no seu longo corpo? e imos ir máis aló, que familias lle quedan por comer? Contádemo a ver quen é o que acerta, os acertantes publicareinos no blog.

Outra cousa que imos facer para lembrar esas familias de números é a seguinte:

 Imos escoller un número de cada familia das que xa se comeu Pepito e imos facer esta tarefa, xa sabemos como vai porque xa a temos feito na clase, lembrade, se non podemos imprimir facémola nunha libreta ou nun folio, imos campionas e campións.

Deixovola en formato pdf na entrada de Algunhas propostas de repaso, por si queredes imprimila👍

        ORGUIOSA SEMPRE DE VÓS😍